Започнати нови проекти во 2023:
5) Повеќе зеленило за отпорно Скопје
Донатор: Екосвест преку Владата на Шведска
Партнери: Флорозон и Македонско женско лоби, во соработка со Градот Скопје и Факултетот за шумарски науки, пејзажна архитектура и екоинженеринг
Време на имплементација: 2/2023-2/2024
Буџет: 17.000 EUR
Општа цел: Спречување на појавата на топлински острови, намалување на загадувањето и емисијата на стакленички гасови и подобрување на квалитетот на живот во ГрадотСкопје.
Специфична цел 1: Спречување на натамошната загуба на зеленило, негово ширење и зголемување на неговата отпорност, преку подобрување на законската рамка што го регулира развојот на урбано зеленило, урбанистичкото планирање и градење.
Специфична цел 2: Обезбедување сеопфатен и ажуриран зелен катастар и негово интегрирање во урбанистичкото планирање, заедно со родовиот аспект.
Активност 1: Формирање на и експертски тим и работно тело за измена на законите за урбано зеленило, законот за урбанистичко планирање, законот за градење и релевантните правилници.
Активност 2: Анализа на постојната законска рамка и нејзините слабости / неусогласеност со Законот за урбано зеленило.
Активност 3: Формулир. предлог-измени на законите (Закон за урбано зеленило, Закон за урбанистичко планирање, Закон за градење и соодветните правилници).
Активност 4: . Изработка на родово сензитивно истражување за пристапноста/достапноста на јавните зелени површини и ефектите врз здравјето и благосостојбата, со предлог за законски измени за вклучен родов аспект.
Активност 5: Лобирање, застапување, промоција преку редовни објави (слики, видеа) до јавноста (социјални медиуми, соопштенија до јавноста) и контакти со институциите.
Активност 6: Анализа на катастарот на зеленило, утврдување на неговиот статус, дефинирање предлог-законски измени со цел утврдување обврски за финансирање на изработката, одржување и ажурирање на катастарот.
Активност 7: Анализа на постојни урбанистички планови во Скопје, за да се утврди дали се загрозува зеленилото и каде може да се аплицираат нови зелени површини, препораки за законско решение за заштита на зеленилото во урбанистичкото планирање.
Активност 8: Јавна дебата за резултатите од предлог- законските измени, анализите и истражувањата.
Активност 9: Изработка на курикулум за обука на вработените на ЈП Паркови и зеленило за одгледување и одржување на видови отпорни на климатските промени и спроведување на обуката.
Резултат 1: Изработена е анализа на постојната законска рамка и нејзините слабости / неусогласеност со Законот за урбано зеленило.
Резултат 2: Изработена е анализа на постојни урбанистички планови во Скопје, за да се утврди дали се загрозува зеленилото и каде може да се аплицираат нови зелени површини, препораки за законско решение за заштита на зеленилото во урбанистичкото планирање.
Резултат 3: Изработена е анализа на катастарот на зеленило, со утврдување на неговиот статус и дефинирање предлог-законски измени со цел утврдување обврски за финансирање на изработката, одржување и ажурирање на катастарот.
Резултат 4: Изработено е родово сензитивно истражување за пристапноста /достапноста на јавните зелени површини и ефектите врз здравјето и благосостојбата, со предлог за законски измени за вклучен родов аспект.
Резултат 5: Формулирани се предлог-измени на законите (Закон за урбано зеленило, Закон за урбанистичко планирање, Закон за градење и соодветните правилници).
Резултат 6: Одржана е јавна дебата за резултатите од предлог- законските измени, анализите и истражувањата.
Резултат 7: Спроведено е лобирање, застапување и промоција на предложените законски измени, со што е обезбедена и јавно обзнанета поддршка на законскиот текст од страна на Министерството за животна средина и просторно планирање, Министерството за транспорт и врски, Комората на овластени инженери и архитекти, Асоцијацијата на архитекти на Македонија, Зелената пратеничка група во Собранието на Македонија, независните зелени советници од Градот Скопје и општините, како и од сите заинтересирани еколошки граѓански организации и иницијативи.
Read more ...
