Денес се формираше тематска граѓанска коалиција за борба против злоупотреба на урбано зеленило со потпишување на меморандум за соработка помеѓу Здружението „Зелен институт“ и бројни граѓански организации, претставници на институции (вклучувајќи го и Градоначалникот на Општина Кисела Вода), активисти и други заинтересирани граѓани. Оваа коалиција ќе се мобилизира за заедничка борба против корупцијата во урбанистичкото планирање и градење, поради која неповратно се уништува урбаното зеленило, за сметка на интензивна и нехумана урбанизација и бетонизација на просторот.